Económica

En Algalia prestamos servizos de xestión económica e financeira integral que proporcionan un alto valor engadido á dirección das entidades coas que traballamos.

• Servizos de asesoramento económico-financeiro:

Asesoramento contable xeral e do plan contable adaptado a entidades non lucrativas, contabilidades analíticas, elaboración de contas anuais, información e xestión de subvencións, xestión orzamentaria (elaboración de orzamentos e seguimento), elaboración de modelos tributarios, asesoramento e planificación fiscal xeral e fiscalidade específica de entidades non lucrativas.

• Implantación de sistemas de xestión económica:

Instalación e capacitación das aplicacións informáticas para a xestión orzamentaria, contable e de tesourería. Establecemento de plans xerais contables adaptados . Deseño e implantación de sistemas analíticos de control de custos. Establecemento de criterios de xestión económica.

• Plans de mellora nos sistemas económico-financeiros:

Elaboración de manuais de procedementos económicos nos diferentes procesos de xestión económica-financeira: contabilidade, autorización de gastos, orzamento, control de tesourería, etc.

Os nosos clientes avalan a calidade e experiencia na prestación dos nosos servizos, podes comprobalo na listaxe de clientes que confían en nós.